114               TESTAMENTS ENREGISTRÉS AU PARLEMENT DE PARIS            (354)
ville, chevalier, conseuller et chambellan du roy nostre sire, et garde de la prevosté de Paris, salut. Savoir faisons qué par devant Jehan Male-lime et Jehan Hurtaut, clers notaires du roy nostre dit seigneur de par lui establiz en son Chastellet de Paris, fu personnelment establi hono­rable homme sage et discret, messire Pierre Boschet, docteur en loiz et en decrez, conseillier du roy nostre dit seigneur et president en son Parlement, sain de corps et de pensée, de bon et vray propos et entendement, si comme de prime face il povoit apparoir, pensant aux derraines fins de cest siecle et de toute humaine creature, saichant que il n'est chose plus certaine de la mort ne moins certaine de Feure d'icelle, et pour ce, il, tandiz que raison gouverne sa pensée, voulant de tout son povoir pourveoir au salut et remede de son ame, et des biens que Nostre Seigneur Jhesu Crist lui a donnez et prestez en cest mortel siecle, ordener et faire son testament et ordenance de derre-niere voulenté, fist, ordena, nomma et declaira par devant ies diz no­taires son testament ou ordenance de derreniere voulenté par la forme et maniere qui s'ensuit :
Premierement, il, comme bon et vray catholique, en recongnois­sant devotement son doulx createur, Nostre Seigneur Jhesu Crist, recommanda et donna son ame, quant de son corps départira, à icellui Seigneur, àla glorieuse Vierge Marie sa mere, à monseigneur saint Michiel archange, à monseigneur saint Pierre et saint Pol ét à toute la benoite et celestiel court de Paradis.
Item, il vuelt et ordonne que toutes ses debtes et torsfaiz qui apper-ront deuement soient paies et amendez par ses executeurs cy dessoubz nommez.
Item, il esleut la sepulture de son corps, en quelque lieu qu'il tres-passe, estre son corps porté en l'eglise de Saint Fulgent en Poitou, en la chappelle qui fait la croix de la dicte eglise à main dextre, en la­quelle gisent ses pere et mere et frere ainsné, et en laquelle il a fondé et ordené une chappellenie de cinquante livres Tournois de rente per­petuelle, et tellement qu'elles soient durables; ausquelles seront jointes dix livres de rente, autresfoiz données par ses diz pere et mere pour